AEBko euskal komunitateak ikusi du teknologiak euskaraz ere egiten duela eta haiek ere balia dezaketela

Igor Leturia, Oraiko hizketa-teknologien arduraduna, elkarrizketatu du Etxepare Euskal Institutuak.

Etxepare Euskal Institutuak Boise State Universityn antolatzen duen Eloise Garmendia Bieter katedrak gonbidatuta egon da Leturia Boisen eta Renon, hizkuntza- eta hizketa-teknologiak oinarritzat izan dituen hitzaldiak eta klaseak ematen. Leturiak azaldu du “oso esperientzia ona” izan dela Eloise Garmendia Bieter katedran irakasle gonbidatua izatea, eta “akademikoki eta profesionalki erronka bat” dela horrelako egonaldi bat eta oso publiko ezberdinentzat klaseak eta hitzaldiak prestatzea.