Votz :

Ahots pertsonalizatuak

Azalpen orokorra

Votz proiektuaren helburua izan da Languedoceko okzitanierarentzat eta Gaskoiniako okzitanierarentzat hizketa-sintesirako sistema bat sortzea sare neuronalak erabiliz. Hizketaren sintesia oinarrizko teknologia bihurtu da edozein hizkuntzarentzat zerbitzu digitalen aroan: garraiobideen bozgorailuetan, webguneen irakurketan eta laguntzaile birtualetan ahots artifizialaren erabilera asko handitu da.

Erronka

Votz proiektuko sintesi-sistemek bi erronka nagusi dituzte. Batetik, okzitanierako dialektoak baliabide urriko hizkuntzak dira, eta horrek grabaketa berri asko egin beharra ekarri du. Bestetik, okzitanierak hitz frantses asko erabiltzen ditu leku-izen edo izen berezi gisa. Beraz, hitz frantsesak egoki detektatu eta fonetizatu behar dira sistemen ahoskera egokia izan dadin. Erronka horiek gainditzeko, hainbat grabazio egin dira estudio batean, eta fonetizazio-sistema berri bat sortu da.

Elkarlana

Proiektu honetan LoCongres-ekin aritu gara lanean, hizkuntza okzitanoak lantzen dituen taldearekin, alegia.

Emaitza

Proiektuan ezarritako helburu guztiak bete dira, eta kalitate handiko hizketa-sintesirako sistemak lortu dira okzitanieraren bi dialektorentzat. Sintesi-sistemak entzule askorekin ebaluatu dira, eta puntuazio altuak lortu dira, bai kalitate orokorrean, bai hitz frantsesen ahoskeran.

Antzeko proiektuak burutu dira Goienarentzat eta NAIZ irratiarentzat egindako hizketa-sintesiko sistemetan

https://votz.eu/ 
https://www.youtube.com/watch?v=7GacVl3hnwg